Spread the love

[ad_1]

থানাত থকা জব্দ কৰা সুৰা খাই সাং কৰাৰ অভিযোগত অভিযুক্তক গ্ৰেপ্তাৰ কৰে আৰক্ষীয়ে। অৱশ্যে অভিযুক্ত মানুহ নহয়, আৰক্ষীয়ে নিজেই এন্দুৰৰ বিৰুদ্ধে এনে অভিযোগ উত্থাপন কৰিছে। কেৱল সেয়াই নহয়, এই অপৰাধৰ বাবে আৰক্ষীয়ে এটা এন্দুৰক গ্ৰেপ্তাৰো কৰে। এনে এক আজৱ ঘটনা সংঘটিত হৈছে মধ্যপ্ৰদেশত।

গ্ৰেপ্তাৰৰ পিছত আৰক্ষীয়ে এন্দুৰটোক আদালতত হাজিৰ কৰায়। আৰক্ষীৰ এনে এক গোচৰত ন্যায়াধীশৰ পৰা আৰম্ভ কৰি সকলোৱে স্বাভাৱিকতে স্তম্ভিত হৈ পৰে। এই ঘটনা পোহৰলৈ অহাৰ লগে লগে ৰাজ্যখনত তোলপাৰ লাগে।

জানিব পৰা মতে, এই ঘটনা সংঘটিত হৈছে মধ্যপ্ৰদেশৰ ছিণ্ডৱাৰা জিলাত। এখন থানাৰ আৰক্ষীয়ে জব্দ কৰিছিল বৃহৎ পৰিমাণৰ সুৰা। তাৰ পিছত জব্দ কৰা প্লাষ্টিকৰ বটলত পেক কৰা অবৈধ সুৰাখিনি আৰক্ষী থানাৰ গুদামত ৰখা হৈছিল।

কিন্তু জব্দ কৰা সুৰাখিনি আদালতত দাখিল কৰাৰ সময় অহাত সমস্যাই দেখা দিলে। আৰক্ষীয়ে কমেও ৬০টা বটল খালী হৈ থকা অৱস্থাত উদ্ধাৰ কৰে। সেয়েহে আৰক্ষীৰ অনুমান, এন্দুৰে সুৰাৰ বটল ফুটা কৰি পেলাইছিল। সেইবাবেই বটলবোৰ খালী হৈ আছিল।

আৰক্ষীৰ মতে, জব্দ কৰা সুৰা মজুত থকা অট্টালিকাটো অতি পুৰণি। তাত এন্দুৰৰ বৰ উৎপাত। ইয়াৰ পূৰ্বে এন্দুৰে থানাখনৰ বহু গুৰুত্বপূৰ্ণ নথি-পত্ৰ ধ্বংস কৰিছিল। তেওঁলোকৰ যুক্তিৰ সমৰ্থনত আৰক্ষীয়ে এটা এন্দুৰ ধৰিছে। আৰক্ষীয়ে আদালতত প্ৰমাণ হিচাপে দাখিল কৰে এন্দুৰটোক। অৱশ্যে সুৰা পাৰ্টিত কিমান এন্দুৰ জড়িত আছিল সেয়া আৰক্ষীয়ে এতিয়াও নিশ্চিত কৰিব পৰা নাই।

বাতৰি মতে, যিটো গোচৰত সুৰাৰ বটলসমূহ জব্দ কৰা হৈছে, সেই গোচৰৰ বিচাৰ এতিয়া আদালতত চলি আছে। জব্দ কৰা সুৰাখিনি আদালতত দাখিল কৰিবলৈ আৰক্ষীক নিৰ্দেশ দিয়া হৈছে। কিন্তু, সুৰাৰ অভাৱৰ বাবেই আৰক্ষীয়ে এনে যুক্তি উত্থাপন কৰিছে। সেই ক্ষেত্ৰত আৰক্ষীয়ে সুৰাখিনি খাই পেলোৱা নাইতো? বহুতে সেই প্ৰশ্ন উত্থাপন কৰিছে।

উল্লেখ্য যে এন্দুৰৰ বিৰুদ্ধে থানাত সুৰা সেৱনৰ অভিযোগ এয়াই প্ৰথম নহয় বুলি দাবী কৰে আৰক্ষীয়ে। অৱশ্যে এই যুক্তি আৰক্ষীয়ে জিলা আদালতত দাখিল কৰাৰ সময়ত ন্যায়াধীশৰ পৰা আৰম্ভ কৰি অধিবক্তা আৰু অন্যান্য আদালতৰ কৰ্মচাৰীয়ে  হাঁহি ধৰি ৰখাব পৰা নাছিল।

মন কৰিবলগীয়া যে ইয়াৰ পূৰ্বে ২০১৮ চনত উত্তৰ প্ৰদেশৰ বাৰেলী কেণ্টনমেণ্ট থানাৰ গুদামত ৰখা ১০০০ লিটাৰতকৈ অধিক জব্দ সুৰা উধাও হৈছিল। সেই গোচৰত স্থানীয় থানাৰ আৰক্ষীয়ে এন্দুৰকে সুৰা সেৱনৰ বাবে দোষাৰোপ কৰিছিল।

[ad_2]


Spread the love

By Admin

Leave a Reply

Your email address will not be published. Required fields are marked *