Spread the love

[ad_1]

পুনৰ অশান্ত হৈ পৰিছে জম্মু-কাশ্মীৰ। উপত্যকাটোত পুনৰ বৃদ্ধি পাইছে সন্ত্ৰাসবাদীৰ কাৰ্যকলাপ। তিনিদিনৰ ভিতৰত তিনিটাকৈ সন্ত্ৰাসবাদী আক্ৰমণে জম্মু-কাশ্মীৰত সৃষ্টি কৰিছে আতংকজনক পৰিস্থিতিৰ।

দেওবাৰে এগৰাকী আৰক্ষী বিষয়াক গুলীয়াই হত্যাৰ চেষ্টা আৰু সোমবাৰে এগৰাকী প্ৰব্ৰজিত শ্ৰমিকক হত্যা কৰাৰ পিছত মঙলবাৰে উপত্যকাটোৰ বাৰামুলা জিলাত এজন আৰক্ষীক সন্ত্ৰাসবাদীয়ে তেওঁৰ ঘৰৰ ভিতৰত গুলীয়াই হত্যা কৰে।

নিহত কনিষ্টবলজনক গোলাম মহম্মদ দাৰ বুলি চিনাক্ত কৰা হৈছে। বাৰামুলাৰ কাৰালপোৰা নামৰ এখন গাঁৱত থকা তেওঁৰ নিজ বাসগৃহতে সন্ত্ৰাসবাদীয়ে আক্ৰমণ চলায় বুলি আৰক্ষীয়ে সদৰী কৰিছে।

সন্ত্ৰাসবাদীৰ গুলীচালনাত গোলাম মহম্মদ দাৰ গুৰুতৰভাৱে আঘাতপ্ৰাপ্ত হৈছিল আৰু ততাতৈয়াকৈ তেওঁক স্থানীয় এখন চিকিৎসালয়লৈ লৈ যোৱা হয় যদিও চিকিৎসকে তেওঁক মৃত ঘোষণা কৰে।

জম্মু-কাশ্মীৰ আৰক্ষীয়ে এক টুইট যোগে এই খবৰ সদৰী কৰি কনিষ্টবলজনক শ্বহীদ ঘোষণা কৰে। তেওঁলৈ শ্ৰদ্ধাঞ্জলি জনাই আৰক্ষীয়ে লগতে আক্ৰমণৰ পিছতে এলেকাটো ঘেৰাও কৰি তালাচী অভিযান আৰম্ভ কৰা বুলি সদৰী কৰে।

উল্লেখ্য যে, ইতিপূৰ্বে দেওবাৰে মাছৰুৰ আহমেদ ৱানী নামৰ এগৰাকী আৰক্ষী বিষয়াক গুলীয়াই হত্যাৰ চেষ্টা কৰিছিল সন্ত্ৰাসবাদীয়ে।

শ্ৰীনগৰৰ ডাউনটাউন এলেকাৰ ঈদগাহ খেলপথাৰত ক্ৰিকেট খেলি থকাৰ সময়তে আৰক্ষী বিষয়াগৰাকীৰ ওপৰত গুলীচালনা কৰিছিল সন্ত্ৰাসবাদীয়ে। চিকিৎসাধীন বিষয়াগৰাকীৰ অৱস্থা সংকটজনক বুলি জানিব পৰা গৈছে।

আনহাতে সোমবাৰে উপত্যকাটোৰ পুলৱামাত উত্তৰ প্ৰদেশৰ এজন প্ৰব্ৰজনকাৰী শ্ৰমিকক সন্ত্ৰাসবাদীয়ে গুলীয়াই হত্যা কৰিছিল। পুলৱামাৰ তুমচি নওপোৰা অঞ্চলত সন্ত্ৰাসবাদীৰ আক্ৰমণৰ চিকাৰ হয় উত্তৰ প্ৰদেশৰ এই শ্ৰমিকগৰাকী।

[ad_2]


Spread the love

By Admin

Leave a Reply

Your email address will not be published. Required fields are marked *