Spread the love

[ad_1]

মঙলবাৰে নিশা গাজাৰ আল আহলি হাস্পতালত সংঘটিত আক্ৰমণৰ ঘটনাই সমগ্ৰ বিশ্বতে তীব্ৰ ক্ষোভৰ সৃষ্টি কৰিছে। ইফালে, বৃহস্পতিবাৰে ভাৰতে আন্তঃৰাষ্ট্ৰীয় মানৱীতা আইন কঠোৰভাৱে পালন কৰিবলৈ আহ্বান জনায়। 

ইজৰাইল আৰু হামাছৰ মাজত চলি থকা যুদ্ধক লৈ তীব্ৰ উদ্বেগ প্ৰকাশ কৰিছে ভাৰতৰ বৈদেশিক পৰিক্ৰমা মন্ত্ৰালয়ে।

বৈদেশিক পৰিক্ৰমা মন্ত্ৰালয়ৰ মুখপাত্ৰ অৰিন্দম বাগচিয়ে কয় “প্ৰধানমন্ত্ৰীৰ মন্তব্য, টুইট আৰু বক্তব্য আপোনালোকে দেখিছে। ইজৰাইলত সংঘটিত হোৱা জঘন্য সন্ত্ৰাসবাদী আক্ৰমণক আমি তীব্ৰ গৰিহণা দিছো। আন্তঃৰাষ্ট্ৰীয় সমাজে সন্ত্ৰাসবাদৰ বিৰুদ্ধে যুঁজত ঐক্যবদ্ধভাৱে থিয় দিব লাগিব। পেলেষ্টাইনৰ লগত আমাৰ দীৰ্ঘদিনীয়া সম্পৰ্ক আছে। আমি বিচাৰো যে পেলেষ্টাইনৰ বাবে এখন নিৰাপদ আৰু স্বীকৃতিপ্ৰাপ্ত সীমান্তৰ সৈতে এখন সাৰ্বভৌম, স্বাধীন আৰু কাৰ্য্যক্ষম ৰাষ্ট্ৰ স্থাপনৰ বাবে প্ৰত্যক্ষ আলোচনা হওক। যাতে তেওঁলোকে ইজৰাইলৰ লগত শান্তিৰে থাকিব পাৰে।”

অৰিন্দম বাগচিয়ে লগতে কয় যে ৰাষ্ট্ৰসংঘৰ সাহায্য আৰু কৰ্ম সংস্থা (UNRWA)ত ভাৰতে যথেষ্ট অৰিহণা যোগায়। এইদৰে ভাৰতে দীৰ্ঘদিন ধৰি পেলেষ্টাইন আৰু পেলেষ্টাইনী শৰণাৰ্থীক সহায় কৰি আহিছে। ২০০২ চনৰ পৰা ২০২৩ চনৰ ভিতৰত ভাৰতে ৰাষ্ট্ৰসংঘৰ এই সংস্থাটোক মুঠ ২৯.৫ নিযুত মাৰ্কিন ডলাৰতকৈ অধিক ধন আগবঢ়াইছে। আগতে ভাৰতে এই সংস্থাটোলৈ বছৰি ১২.৫ লাখ মাৰ্কিন ডলাৰ বৰঙণি আগবঢ়াইছিল। ২০১৮ চনত এই ধনৰাশি ৫ কোটি মাৰ্কিন ডলাৰলৈ বৃদ্ধি কৰা হয়।

বৃহস্পতিবাৰে পেলেষ্টাইনৰ ৰাষ্ট্ৰপতি মাহমুদ আব্বাছক ফোন কৰি নৰেন্দ্ৰ মোদীয়ে আশ্বাস দিয়ে যে ভাৰতে পেলেষ্টাইনীসকললৈ মানৱীয় সাহায্য প্ৰেৰণ কৰা বন্ধ নকৰে। ইয়াৰ মাজতে বৈদেশিক পৰিক্ৰমা মন্ত্ৰালয়ৰ মুখপাত্ৰই আন্তঃৰাষ্ট্ৰীয় মানৱীয় আইন কঠোৰভাৱে পালন কৰিবলৈ আহ্বান জনায়।

ইফালে ভাৰতে যুদ্ধবিধ্বস্ত ইজৰাইলৰ পৰা ভাৰতীয়ক ঘূৰাই অনাৰ বাবে এই সপ্তাহত ‘অপাৰেচন অজয়’ আৰম্ভ কৰিছে। অৰিন্দম বাগচিয়ে কয় যে এই পৰ্যন্ত প্ৰায় ১২০০ লোকক ইজৰাইলৰ পৰা ভাৰতলৈ ঘূৰাই অনা হৈছে। ইয়াৰে অধিকাংশই ভাৰতীয় নাগৰিক হোৱাৰ বিপৰীতে ১৮জন নেপালী নাগৰিকো আছে৷ 

অৰিন্দম বাগচিয়ে কয় যে বৈদেশিক পৰিক্ৰমা মন্ত্ৰালয়ে পৰিস্থিতি নিৰীক্ষণ কৰি আছে। যদি চাহিদা থাকে তেন্তে অপাৰেশ্যন অজয়ৰ বাবে বিমানৰ সংখ্যা আৰু বৃদ্ধি হ’ব পাৰে।

আনহাতে, চাৰিজন ভাৰতীয় নাগৰিকও গাজা ষ্ট্ৰিপত আবদ্ধ হৈ আছে বুলি বৈদেশিক পৰিক্ৰমা মন্ত্ৰালয়ৰ মুখপাত্ৰই জানিবলৈ দিয়ে। বিগত ১৩ দিন ধৰি ইজৰাইলে গাজাত অবিৰতভাৱে আক্ৰমণ চলাই আহিছে। অৱশ্যে ছেকাংকাৰ পৰিস্থিতি ইমানেই বেয়া যে তাৰ পৰা তেওঁলোকক স্থানান্তৰ কৰাটো সম্ভৱ নহয় বুলিও তেওঁ কয়। 

ইজৰাইল-হামাছ যুদ্ধত এতিয়ালৈকে ভাৰতীয় কোনো লোকৰ মৃত্যু হোৱা নাই বুলি বৈদেশিক পৰিক্ৰমা মন্ত্ৰালয়ে প্ৰকাশ কৰিছে। অৱশ্যে গাজা ষ্ট্ৰিপত এগৰাকী ভাৰতীয় মহিলা আহত হোৱাৰ খবৰ পোৱা গৈছে। অৱশ্যে তেওঁৰ অৱস্থা এতিয়া সুস্থিৰ।

[ad_2]


Spread the love

By Admin

Leave a Reply

Your email address will not be published. Required fields are marked *