Spread the love

[ad_1]

বৃহস্পতিবাৰে অনুষ্ঠিত হৈছিল ভাৰত-দক্ষিণ আফ্ৰিকাৰ এদিনীয়া শৃংখলাৰ তৃতীয় তথা অন্তিমখন মেচ। মেচখনত দক্ষিণ আফ্ৰিকাক ৭৮ ৰাণত পৰাস্ত কৰি ভাৰতীয় দলে শৃংখলা জয় কৰে। মেচখনত ভাৰতীয় বলাৰে আগবঢ়াই চমকপ্ৰদ প্ৰদৰ্শন।

দক্ষিণ আফ্ৰিকাৰ ইনিংছত ইটোৰ পিছত সিটোকৈ উইকেট পতনৰ পিছত ক্ৰীজলৈ আহিছিল কেশৱ মহাৰাজ। খেলুৱৈগৰাকী ক্ৰীজলৈ অহাৰ সময়তে পাৰ্লৰ বোলেণ্ড পাৰ্কত বাজি উঠে ‘ৰাম ছিয়া ৰাম’ গীতটো।

লক্ষণীয়ভাৱে মেচখনত আন সময়ত কোনো সংগীত বাজি থাকিলেও মহাৰাজৰ প্ৰদৰ্শনৰ সময়ত এই গীতটিয়েই বাজি উঠিছিল। মহাৰাজে প্ৰথম ইনিংছত বলিং কৰি থকাৰ সময়তো বজোৱা হৈছিল এই গীতটি।

গতিকে মহাৰাজ ক্ৰীজলৈ অহাৰ সময়ত DJই জয় ছিয়া ৰাম গীতটি বজোৱাৰ লগে লগে ষ্টাম্পৰ পিছফালে থকা উইকেটৰক্ষক কে এল ৰাহুলৰ মনত স্বাভাৱিকতেই এক কথাটোৱে দোলা দিয়ে। সেয়ে তেওঁ মহাৰাজৰ সৈতে এই সন্দৰ্ভত কৰে বাৰ্তালাপ।

ৰাহুল আৰু মহাৰাজৰ এই বাৰ্তালাপ সম্প্ৰতি ভাইৰেল হৈ পৰিছে। ভিডিঅ’টোত ৰাহুলে মহাৰাজক উদ্দেশ্যি কোৱা শুনা গৈছে, “ কেশৱ ভাই, আপুনি যেতিয়াই আহে, তেওঁলোকে এই গীতটো বজাই দিয়ে!” ৰাহুলৰ এই কথাত সন্মতি দিয়ে মহাৰাজে।

উল্লেখ্য যে, ভাৰতীয় বংশোদ্ভূত কেশৱ মহাৰাজ এগৰাকী হিন্দু ধৰ্মাৱলম্বী লোক। বিগত বিশ্বকাপৰ সময়ত মহাৰাজে তামিলনাডুৰ শ্ৰী পদ্মনাভাস্বামী মন্দিৰত সেৱা আগবঢ়াইছিল। মহাৰাজৰ এই ভ্ৰমণৰ ফটোও যথেষ্ট ভাইৰেল হৈ পৰিছিল।

লগতে বিশ্বকাপত পাকিস্তানৰ বিৰুদ্ধে লীগ মেচত জয়ৰ পিছতো কেশৱ মহাৰাজে ছ’চিয়েল মিডিয়াত এক অতি বিশেষ বাৰ্তা শ্বেয়াৰ কৰিছিল।জয়ৰ আনন্দ প্ৰকাশ কৰি পোষ্টটোত তেওঁ শেষত জয় শ্ৰী হনুমান ধ্বনিও লিখি দিছিল।

[ad_2]


Spread the love

By Admin

Leave a Reply

Your email address will not be published. Required fields are marked *