Spread the love

[ad_1]

আজিৰ পৰা আৰম্ভ হৈছে ভাৰত-দক্ষিণ আফ্ৰিকাৰ দ্বিপাক্ষিক এদিনীয়া শৃংখলা। তিনিখনীয়া এই শৃংখলাটোৰ পিছতে দুয়োটা দলৰ মাজত ২৬ ডিচেম্বৰৰ পৰা আৰম্ভ হ’ব দুখন টেষ্টৰ শৃংখলা।

শৃংখলাটোৰ পূৰ্বে ইতিমধ্যে আঘাতৰ সমস্যাই চিন্তাত পেলাইছে ভাৰতীয় দলক। দলৰ তাৰকা পেচাৰ মহম্মদ ছামি আঘাতৰ বাবে আগন্তুক টেষ্ট শৃংখলাটোৰ পৰা বাহিৰ হৈছে।

বিচিচিআয়ে এক প্ৰেছ বিজ্ঞপ্তি যোগে সদৰী কৰা মতে, বিচিচিআইৰ মেডিকেল টিমে ছামিক ফিট হিচাপে ঘোষণা কৰা নাই। তেনেস্থলত দুখন মেচৰ দ্বিপাক্ষিক টেষ্ট শৃংখলাটোত অংশ ল’ব নোৱাৰিব ছামিয়ে।

ছামিৰ পিছত এই শৃংখলাটোৰ পৰা বাহিৰ হৈছে আন এগৰাকী খেলুৱৈ। শৃংখলাটোত ভাৰতীয় দলত উপলব্ধ নহ’ব উইকেটৰক্ষক বেটাৰ ঈষাণ কিষান। কিষাণক দলৰ পৰা মুকলি কৰি দিয়া হৈছে বুলি বিচিচিআইয়ে সদৰী কৰিছে।

এক বিজ্ঞপ্তি যোগে বিচিচিআয়ে উল্লেখ কৰা মতে, কিষাণে ব্যক্তিগত কাৰণ উল্লেখ কৰি দলৰ পৰা অব্যাহতি দিয়াৰ বাবে অনুৰোধ কৰিছিল আৰু তেওঁৰ এই অনুৰোধৰ পিছত দলৰ পৰা মুকলি কৰি দিয়া হয়।

কিষাণৰ স্থানত দললৈ কে.এছ. ভৰতক আমন্ত্ৰণ কৰা বুলি বিচিচিআয়ে লগতে সদৰী কৰে। ইতিমধ্যে পাঁচখন টেষ্টত ভাৰতক প্ৰতিনিধিত্ব কৰা ভৰতে কে এল ৰাহুলৰ সৈতে বিকল্প উইকেট ৰক্ষক হিচাপে দলত যোগ দিব।

টেষ্ট শৃংখলাৰ বাবে ঘোষিত ভাৰতীয় দলঃ ৰোহিত শৰ্মা, শুভমন গিল, য়শস্বী জয়ছোৱাল, বিৰাট কোহলী, শ্ৰেয়স আয়াৰ, ৰুতুৰাজ গায়কোৱাড়, কে এল ৰাহুল, ৰবিচন্দ্ৰন অশ্বিন, ৰবীন্দ্ৰ জাদেজা, শাৰ্দুল ঠাকুৰ, মহম্মদ চিৰাজ, মুকেশ কুমাৰ, যশপ্ৰীত বুমৰাহ, প্ৰসিধ কৃষ্ণা, কে.এছ. ভৰত।

[ad_2]


Spread the love

By Admin

Leave a Reply

Your email address will not be published. Required fields are marked *

You missed