Spread the love

[ad_1]

এপিএছচি কেলেংকাৰীত অভিযুক্তসকলৰ বিৰুদ্ধে স্পষ্ট প্ৰমাণ পোৱাৰ পিছতো মুখ্যমন্ত্ৰী হিমন্ত বিশ্ব শৰ্মা নেতৃত্বাধীন বিজেপি চৰকাৰে কঠোৰ ব্যৱস্থা গ্ৰহণৰ সলনি নানা মিথ্যাচাৰৰ আশ্ৰয় লৈছে। এই দাবী ভাৰতৰ গণতান্ত্ৰিক যুৱ ফেডাৰেছন (ডি ৱাই এফ আই)ৰ।

ডি ৱাই এফ আইৰ অসম ৰাজ্যিক কমিটিয়ে মুখ্যমন্ত্ৰী হিমন্ত বিশ্ব শৰ্মাৰ এই কু-অভিপ্ৰায়ক ধিক্কাৰ জনাইছে আৰু বিপ্লৱ শৰ্মা আয়োগে দিয়া পৰামৰ্শৱলীৰ ভিত্তিত কাল বিলম্ব নকৰাকৈ কঠোৰ ব্যৱস্থা গ্ৰহণ কৰিবলৈ দাবী জনাইছে।

সংগঠনটোৰ দাবী, মুখ্যমন্ত্ৰীয়ে কৌশলী অৱস্থানেৰে সমগ্ৰ এপিএছচি কেলেংকাৰীত অভিযুক্ত সকলৰ বিৰুদ্ধে ব্যৱস্থা গ্ৰহণ প্ৰক্ৰিয়াক পলম কৰি শাস্তিৰ প্ৰক্ৰিয়া লাঘব কৰিবলৈ চেষ্টা কৰিছে।

ন্যায়ালয়ৰ ৰোষত পৰাৰ ভয়তে মুখ্যমন্ত্ৰী হিমন্ত বিশ্ব শৰ্মাই ৩৯ জন বিষয়াৰ বিৰুদ্ধে কিয় ব্যৱস্থা গ্ৰহণ কৰা নহ’ল সেই সম্পৰ্কে অজ্ঞাত বুলি উল্লেখ কৰিছে বুলিও অভিযোগ কৰিছে ডি ৱাই এফ আয়ে।

এক বিবৃতিত সংগঠনটোৱে কয়, “মুখ্যমন্ত্ৰীৰ এই ভাষ্য যে অলপো সত্য নহয় সেয়া কেবিনেট মন্ত্ৰী পিয়ুষ হাজৰিকাৰ ১১ এপ্ৰিলৰ সংবাদ মেলৰ প্ৰেছ টোকাই প্ৰমাণ কৰিছে। তাত বিপ্লৱ শৰ্মা আয়োগে দোষী সাব্যস্ত কৰা ৩৪ জন বিষয়াৰ উপৰি আন ৩৯ জনৰ কথা উল্লেখ আছিল।”

“একেদৰে মুখ্য সচিবৰ নেতৃত্বত গঠন কৰি দিয়া কমিটিখনে বিগত ডেৰ বছৰে শৰ্মা আয়োগৰ প্ৰতিবেদন অধ্যয়ন কৰাৰ পিছতো প্ৰতিবেদনৰ ৩৯ জন বিষয়াৰ কথাটো নজনা বুলি কোৱাটো চৰম মিথ্যাচাৰৰ বাদে একো নহয়।”— এই দাবী ডি ৱাই এফ আইৰ।

ইয়াৰ উপৰি বজালীত জালিয়াতি কৰি গ্ৰেপ্তাৰ হোৱা পুস্কল গগৈ নামৰ আৰক্ষী বিষয়া জনৰ বিৰুদ্ধে চাৰ্জচিট নাম থকাৰ পিছতো চৰকাৰে পুৰস্কাৰ দি সন্মানিত কৰিছিল বুলিও সংগঠনটোৱে আঙুলিয়াই দিয়ে।

এইখন চৰকাৰে এপিএছচি কেলেংকাৰীত ন্যায়িক আয়োগে দোষী সাব্যস্ত কৰা ব্যক্তিসকলৰ বিৰুদ্ধে ব্যৱস্থা ল’বলৈ কোনো প্ৰকাৰেই যে আগ্ৰহী নহয় সেয়া ইতিমধ্যে প্ৰমাণিত হৈছে বুলি ডি ৱাই এফ আয়ে দাবী কৰে।

সংগঠনটোৱে লগতে কয়, “কংগ্ৰেছ চৰকাৰৰ দিনত সংঘটিত এই বিয়াগোম কেলেংকাৰী সম্পৰ্কত আৰক্ষীৰ তদন্তৰ পাতে পাতে ওলাই পৰিছিল অনিয়মৰ তথ্য। ইয়াৰ পাছতে ন্যায়ালয়ৰ নিৰ্দেশত প্ৰাক্তন ন্যায়াধীশ বিপ্লৱ শৰ্মাৰ নেতৃত্বত ন্যায়িক আয়োগ গঠন হৈছিল।”

আয়োগে ২০১৩ চনৰ এপিএছচি পৰীক্ষাৰ সমগ্ৰ বিষয় তদন্ত কৰি প্ৰতিবেদন প্ৰস্তুত কৰে যদি প্ৰতিবেদন গ্ৰহণ কৰাৰ সলনি নানা তালবাহানা কৰি সময় অতিবাহিত কৰি এইসময়ছোৱাৰ ভিতৰতে অভিযুক্তসকলক পদোন্নতিৰ ব্যৱস্থা কৰে বুলিও অভিযোগ তুলিছে সংগঠনটোৱে।

“পৰৱৰ্তী সময়ত প্ৰতিবেদন গ্ৰহণ কৰে যদিও শৰ্মা আয়োগৰ প্ৰতিবেদন সম্পৰ্কত কি ব্যৱস্থা গ্ৰহণ কৰিব সেই সম্পৰ্কে চালিজাৰি চাবলৈ মুখ্য সচিব জিষ্ণু বৰুৱাৰ নেতৃত্বত পুনৰ কমিটি গঠন কৰে। কিন্তু জিষ্ণু বৰুৱাৰ অৱসৰ লোৱাৰ আগলৈকে কমিটিৰ এখনো বৈঠক নবহিলে।”

এনেদৰে এপিএছচি কেলেংকাৰীৰ সম্পৰ্কত ব্যৱস্থা গ্ৰহণৰ সলনি চতুৰালি কৰি মুখ্যমন্ত্ৰী হিমন্ত বিশ্ব শৰ্মাই সমগ্ৰ বিষয়টো ওলমাই ৰাখিলে বুলি আৰু এতিয়া ন্যায়ালয়ৰ মজিয়াত প্ৰশ্নৰ সন্মুখীন হৈহে এছ আই টি গঠনৰ প্ৰতিশ্ৰুতি দিছে বুলি ডি ৱাই এফ আয়ে অভিযোগ তুলিছে।

এনে ঘটনাই হিমন্ত বিশ্ব শৰ্মা নেতৃত্বাধীন চৰকাৰে গুৰুতৰ অনিয়মৰ আশ্ৰয় লোৱা সকলৰ পক্ষে অৱস্থান লোৱাৰ কৌশল সেয়া স্পষ্ট হৈ পৰিছে বুলি বিবৃতিটোত দাবী কৰা হৈছে।

নানা অজুহাতত আৰু অজ্ঞাত কাৰণত মুখ্যমন্ত্ৰীয়ে এপিএছচি কাণ্ডৰ অভিযুক্ত সকলক ৰক্ষণাবেক্ষণ দিবলৈ উঠিপৰি লাগিছে আৰু হাজাৰ হাজাৰ মেধাবী যুৱক-যুৱতীক আশাহত কৰিছে বুলি দাবী কৰে ডি ৱাই এফ আয়ে।

[ad_2]


Spread the love

By Admin

Leave a Reply

Your email address will not be published. Required fields are marked *

You missed