Spread the love

[ad_1]

শনিবাৰে দিশপুৰ মহাবিদ্যালয়ৰ প্ৰেক্ষাগৃহত মহাবিদ্যালয়ৰ ইংৰাজী বিভাগআৰু আভ্যন্তৰীণ মান নিৰূপণ কোষৰ উদ্যেগত আৰু ব্যতিক্ৰম মাছডোৰ সহযোগত আন্ত:ৰাষ্ট্ৰীয় লেখক সন্মিলনৰ আয়োজন কৰা হয়।

বিশ্বৰ বিভিন্ন প্ৰান্তৰ মুঠ নখন ৰাষ্ট্ৰৰ লেখক-লেখিকাই অংশগ্ৰহণ কৰা এই‌ অনুষ্ঠানৰ উদ্বোধন কৰে দিশপুৰ মহাবিদ্যালয়ৰ অধ্যক্ষ ড০ নৱজ্যোতি বৰাই। অনুষ্ঠানটোৰ আতঁ ধৰে মহাবিদ্যালয়খনৰ ইংৰাজী বিভাগৰ মুৰব্বী অধ্যাপক ড০ সঞ্জীৱ শৰ্মাই।

উদ্বোধনী ভাষণ সন্দৰ্ভত ড০ বৰাই দিশপুৰ মহাবিদ্যালয়ৰ ফালৰ পৰা বিভিন্ন প্ৰান্তৰ লেখক-লেখিকাসকলক উষ্ণ আদৰণি জনায়।

অসমৰ লগত বহি:বিশ্বৰ এক আন্তৰিক সম্পৰ্ক গঢ়ি তোলাৰ বাবে ব্যতিক্ৰম মাছডোক ধন্যবাদ জনাই ড০ বৰাই কয় যে অসমীয়া সাহিত্য-সংস্কৃতিক একতাৰ এনাজৰীৰে বান্ধি ৰাখি অসমীয়া সাহিত্য-সংস্কৃতিক বিশ্বদৰবাৰত প্ৰতিষ্ঠা কৰাৰ ক্ষেত্ৰত শংকৰ-মাধৱ,জ্যোতি-বিষ্ণু, ভূপেন হাজৰিকাৰ অৱদান অতুলনীয়।

অনুষ্ঠানত ইজিপ্টৰ আহমেদ আলচায়াহি ইব্ৰাহিম ইলহাদিদি, মালয়েছিয়াৰ ড০ মালাছি এডউইন ৱেঠামানি , জাৰ্মানীৰ টবিয়াছ বুৰ্ঘাৰ্ট, ইন্দোনেছিয়াৰ ড০ শাস্ত্ৰী ৱাক্ৰি, আৰ্জেণ্টিনাৰ য়ুৱানা মাৰিয়া বুৰ্ঘাৰ্ট, বুলগেৰিয়াৰ মাজা পানাজোটোভা, ৰাছিয়াৰ চফিয়া ইয়েছিন, বাংলাদেশৰ মহম্মদ আমিনুৰ ৰহমান, ৰোমানিয়াৰ ড০ইলিনা ‌লিলিয়ানা পপেস্কু আৰু ভাৰতৰ ড০ ৰেছমা ৰমেশে প্ৰতিনিধিত্ব কৰি নিজৰ নিজৰ কবিতা পাঠ, গীতেৰে জীপাল কৰি তোলে।

দিশপুৰ মহাবিদ্যালয়ৰ ছাত্ৰ-ছাত্ৰীয়েও এই অনুষ্ঠানত স্বৰচিত কবিতা পাঠ আৰু বিহু হুঁচৰি পৰিৱেশন কৰি অসমীয়া সাহিত্য-সংস্কৃতিৰ সুন্দৰ প্ৰতিচ্ছবি দাঙি ধৰে।ইংৰাজী বিভাগৰ সহকাৰী অধ্যাপিকা স্মৃতি দেউৰীয়ে শলাগৰ শৰাই আগবঢ়াই এই অনুষ্ঠানৰ সামৰণি মাৰে। 

[ad_2]


Spread the love

By Admin

Leave a Reply

Your email address will not be published. Required fields are marked *