Spread the love

[ad_1]

বাৰাণসীৰ আই আই টি-বানাৰস হিন্দু বিশ্ববিদ্যালয় চৌহদত নিৰ্যাতনৰ বলি হৈছে এগৰাকী বিশ্ববিদ্যালয়ৰ ছাত্ৰী! অভিযোগ অনুসৰি বুধবাৰে নিশা মটৰ চাইকেলত অহা তিনিজন অচিনাক্ত ব্যক্তিয়ে ছাত্ৰীগৰাকীক নিৰ্যাতন চলাইছিল। ছাত্ৰীগৰাকীক সকলো কাপোৰ খুলিবলৈ বাধ্য কৰি উলংগ শৰীৰৰ ভিডিঅ’ ৰেকৰ্ডিং কৰা হয় বুলি অভিযোগ উত্থাপন কৰিছে নিৰ্যাতিতাই।

বৃহস্পতিবাৰে (২ নৱেম্বৰ) কেম্পাছৰ ৰাজপুতনা হোষ্টেলৰ সমীপত আই আই টি-বি এইচ ইউৰ সহস্ৰাধিক ছাত্ৰ-ছাত্ৰীয়ে তিনিজন দুষ্কৃতিকাৰীক বাহিৰৰ মানুহ বুলি দাবী কৰি প্ৰতিবাদ সাব্যস্ত কৰে। তেওঁলোকে কেম্পাছত নিৰাপত্তা বৃদ্ধি কৰাৰ লগতে বাহিৰৰ লোকৰ প্ৰৱেশ নিষিদ্ধ কৰাৰো দাবী উত্থাপন কৰে।

এই ভয়াৱহ ঘটনাৰ পৰিপ্ৰেক্ষিতত আৰক্ষীয়ে গোচৰ ৰুজু কৰি ঘটনাৰ তদন্ত আৰম্ভ কৰিছে। ইফালে কংগ্ৰেছে এই নিৰ্যাতনৰ ঘটনাৰ বাবে যোগী আদিত্যনাথ চৰকাৰলৈ আঙুলি টোৱাইছে।

ভুক্তভোগীৰ অভিযোগ অনুসৰি, বুধবাৰে নিশা তেওঁ বন্ধু এজনৰ সৈতে হোষ্টেলৰ পৰা ওলাই যায়। দুয়ো কেম্পাছৰ ভিতৰত খোজ কাঢ়ি গৈ আছিল। কাৰ্মান বাবা মন্দিৰৰ সমীপৰ এঠাইত হঠাৎ তিনিজন বাইক আৰোহীৰ আবিৰ্ভাৱ হয়। বন্ধুৰ পৰা বিচ্ছিন্ন কৰি সিহঁতে বলপূৰ্বকভাৱে ছোৱালীজনীক এটা আন্ধাৰ চুকলৈ লৈ যায়। যাতে তেওঁৰ চিঞৰ কোনেও শুনা নাপায়, তাৰ বাবে মুখখন কাপোৰেৰে ঢাকি দিয়ে। ইয়াৰ পিছতে দুষ্কৃতিকাৰীয়ে ছাত্ৰীগৰাকীৰ উলংগ কৰি তেওঁৰ ভিডিঅ’ ৰেকৰ্ডিং কৰে। ১৫ মিনিটৰ পিছত তেওঁক মুকলি কৰি দিয়া হয় যদিও তাৰ আগতে দুষ্কৃতিকাৰীয়ে ছোৱালীজনীৰ ফোন নম্বৰ লৈ যায়।

ভুক্তভোগীয়ে দাখিল কৰা এজাহাৰৰ ভিত্তিত তিনিজন অচিনাক্ত ব্যক্তিৰ বিৰুদ্ধে এফআইআৰ দাখিল কৰা হৈছে। ভাৰতীয় দণ্ডবিধিৰ ৩৫৪ নং ধাৰা অৰ্থাৎ এগৰাকী মহিলাৰ শ্লীলতা হানি কৰাৰ উদ্দেশ্যে আক্ৰমণ বা বলপূৰ্বক আক্ৰমণৰ অভিযোগ উত্থাপন কৰা হৈছে। ইয়াৰ উপৰিও তথ্য প্ৰযুক্তি আইনৰ বিধানৰ অধীনত এখন এফআইআৰও পঞ্জীয়ন কৰা হৈছে।

অৱশ্যে এতিয়াও চিনাক্ত হোৱা নাই অভিযুক্ত। ছাত্ৰ-ছাত্ৰীৰ প্ৰতিবাদৰ সন্মুখীন হৈ আই আই টি-বি এইচ ইউ কৰ্তৃপক্ষই নতুন নিৰাপত্তা ব্যৱস্থা গ্ৰহণৰ সিদ্ধান্ত গ্ৰহণ কৰিছে। আই আই টি-বি এইচ ইউৰ পঞ্জীয়ক ৰাজন শ্ৰীবাস্তৱৰ নিৰ্দেশ অনুসৰি কেম্পাছ চৌহদৰ সকলো প্ৰৱেশদ্বাৰ নিশা ১০ বজাৰ পৰা পুৱা ৫ বজালৈ বন্ধ থাকিব। কেৱল বি এইচ ইউৰ ষ্টীকাৰ থকা বাহন আৰু বি এইচ ইউৰ পৰিচয় পত্ৰ থকা ব্যক্তিকহে চৌহদত প্ৰৱেশৰ অনুমতি দিয়া হ’ব।

ইপিনে, কংগ্ৰেছৰ সাধাৰণ সম্পাদক প্ৰিয়ংকা গান্ধী ভদ্ৰাই এই ঘটনাৰ বাবে যোগী চৰকাৰক জগৰীয়া কৰে। ছ’চিয়েল মিডিয়াত তেওঁ লিখিছে, ‘বি এইচ ইউ কেম্পাছ আনকি আই আই টিৰ দৰে শীৰ্ষ প্ৰতিষ্ঠানসমূহো এতিয়া সুৰক্ষিত নহয়? প্ৰধানমন্ত্ৰীৰ সমষ্টিৰ এগৰাকী ছাত্ৰীয়ে নিজৰ শিক্ষানুষ্ঠানত ভয় নোহোৱাকৈ খোজ কাঢ়ি যোৱাটো এতিয়া সম্ভৱ নহয়?

বহস্পতিবাৰে বিজেপিৰ ছাত্ৰ সংগঠন এবিভিপিয়েও কেম্পাছত ছাত্ৰ-ছাত্ৰীৰ প্ৰতিবাদত যোগদান কৰে। এবিভিপিৰ বিএইচইউ শাখাৰ নেতা অভয় সিঙে কয় যে অভিযুক্তসকলক শীঘ্ৰে চিনাক্ত কৰি তেওঁলোকৰ বিৰুদ্ধে কঠোৰ আইনী ব্যৱস্থা গ্ৰহণ কৰিব লাগিব। 

[ad_2]


Spread the love

By Admin

Leave a Reply

Your email address will not be published. Required fields are marked *