Spread the love

[ad_1]

লোকসভা নিৰ্বাচনৰ দিন চমু চাপি অহাৰ লগে লগে বৃদ্ধি পাইছে ৰাজনৈতিক দলসমূহৰ কুচকাৱাজ। নিৰ্বাচনী যুঁজলৈ সাজু হৈ পৰিছে শাসক বিৰোধী সকলো। তৎপৰ হৈ পৰিছে নিৰ্বাচনী প্ৰচাৰত। সমানেই বৃদ্ধি পাইছে বাক-বিতণ্ডা।

এনে তৎপৰতাৰ মাজতে আম আদমী পাৰ্টিৰ মুৰব্বী তথা দিল্লীৰ মুখ্যমন্ত্ৰী অৰবিন্দ কেজৰিৱালে প্ৰবল আত্মবিশ্বাসেৰে কৰিছে এক দৃঢ়বাণী। দিল্লীৰ সুৰা কেলেংকাৰীৰ গোচৰত ইতিপূৰ্বে ইডিৰ চমন লাভ কৰা কেজৰিৱালৰ মন্তব্য, তেওঁ কাৰাগাৰত থাকিলেও দিল্লীত জয়ী হ’ব আপ!

আজি দলৰ এক কাৰ্যকৰ্তা সন্মিলনত এই মন্তব্য কৰিছে কেজৰিৱালে। দলীয় কৰ্মীসকলক সম্বোধন কৰি দোহাৰে কেজৰিৱালে, “কাৰাগাৰলৈ যাবলৈ মই ভয় নকৰো।” কেজৰিৱালে ভাষ্য, এজন বিপ্লৱীৰ বাবে কাৰাগাৰ এক অলংকাৰ।

নিজকে ক্ষমতাৰ প্ৰতি লোভী নহয় বুলিও আপ মুৰব্বীগলাকীয়ে কৰে মন্তব্য। মুখ্যমন্ত্ৰী পদৰ প্ৰতি তেওঁৰ কোনো লোভ নাই বুলি উল্লেখ কৰি কেজৰিৱাল কয়, “মই সম্ভৱতঃ বিশ্বৰ প্ৰথমজন মুখ্যমন্ত্ৰী, যি কোনেও নোকোৱাকৈয়ে ৪৯ দিনৰ পিছত পদত্যাগ কৰিছিলো।”

ইফালে বিজেপিক কটুক্তি কৰি কেজৰিৱালৰ অভিযোগ, দিল্লীত আপক পৰাস্ত কৰিব নোৱাৰে বুলি বিজেপিয়ে জানে আৰু সেইবাবেই ষড়যন্ত্ৰ ৰচনা কৰি বিজেপিয়ে আপৰ নেতাসকলক কাৰাগাৰত ভৰাইছে।

আগন্তুক লোকসভা নিৰ্বাচনৰ বাবে আপৰ প্ৰচাৰত বাধা সৃষ্টিৰ বাবে বিজেপিয়ে তেওঁক গ্ৰেপ্তাৰ কৰাৰ পৰিকল্পনা কৰিছে বুলিও দাবী কৰে কেজৰিৱালে। একেটা উদ্দেশ্যতে বিজেপিয়ে বিভিন্ন আঞ্চলিক দলসমূহৰ নেতাসকলকো লক্ষ্য কৰি ল’ব বুলিও তেওঁ লগতে দাবী কৰে।

নিৰ্বাচনত সহজে জয়ী হোৱাৰ লক্ষ্যৰে পৰিকল্পনা মৰ্মেই বিজেপিয়ে পশ্চিমবংগৰ মুখ্যমন্ত্ৰী মমতা বেনাৰ্জী, বিহাৰৰ উপ-মুখ্যমন্ত্ৰী তেজস্বী যাদৱ আৰু ঝাৰখণ্ডৰ মুখ্যমন্ত্ৰী হেমন্ত সোৰেনক জেললৈ পঠিয়াবলৈ প্ৰস্তুতি চলাইছে বুলি বিস্ফোৰক দাবী কৰিছে আপ মুৰব্বীগৰাকীয়ে।

ইফালে বিভিন্ন গোচৰত গ্ৰেপ্তাৰ হোৱা তথা কাৰাবন্দী হৈ থকা দলীয় সতীৰ্থসকলৰ প্ৰসঙ্গৰে তেওঁ দলীয় কৰ্মীসকলক প্ৰেৰণা যোগায়। কেজৰিৱালৰ মন্তব্য, দেশত শিক্ষা বিপ্লৱ অনা দলৰ নেতা মনীষ চিছ’দিয়া এতিয়া কাৰাগাৰত আছে।

“একেদৰে স্বাস্থ্য বিপ্লৱ আনি দিয়া সত্যেন্দ্ৰ জৈন অন্তৱৰ্তীকালীন জামিনত ওলাইছে। আমাৰ চাৰিজন নেতা আজিও কাৰাগাৰত আছে। তেওঁলোক প্ৰেৰণা। জেললৈ যাবলৈ ভয় নকৰিব।”— নিজ বক্তব্যত দলীয় সতীৰ্থসকলৰ কথা উল্লেখ কৰি কৰ্মীসকললৈ এই আহ্বান জনায় কেজৰিৱালে।

[ad_2]


Spread the love

By Admin

Leave a Reply

Your email address will not be published. Required fields are marked *