Spread the love

[ad_1]

দিল্লীৰ সুৰা নীতিৰ কেলেংকাৰী গোচৰত কেন্দ্ৰীয় তদন্তকাৰী সংস্থা এনফৰ্চমেণ্ট ডাইৰেক্টৰেটে পুনৰ চমন জাৰি কৰিছে আম আদমী পাৰ্টিৰ মুৰব্বী তথা দিল্লীৰ মুখ্যমন্ত্ৰী অৰবিন্দ কেজৰিৱালক।

গোচৰটোৰ সন্দৰ্ভত সোধ-পোচৰ বাবে বৃহস্পতিবাৰে কেজৰিৱালক তদন্ত সংস্থাটোৰ কাৰ্যালয়ত উপস্থিত হ’বলৈ নিৰ্দেশনা জাৰি কৰিছে এনফৰ্চমেণ্ট ডাইৰেক্টৰেটে।

উল্লেখ্য যে, এই গোচৰত দ্বিতীয়বাৰৰ বাবে এনফৰ্চমেণ্ট ডাইৰেক্টৰেটৰ চমন লাভ কৰিছে আম আদমী পাৰ্টিৰ মুৰব্বীগৰাকীয়ে। ইতিপূৰ্বে তেওঁক ২ নৱেম্বৰত জেৰাৰ বাবে কাৰ্যালয়ত উপস্থিত থাকিবলৈ চমন দিছিল ইডিয়ে।

কিন্তু কেজৰিৱালে ইডিৰ চমন অগ্ৰাহ্য কৰি তাৰ পৰিৱৰ্তে উক্ত দিনা মধ্য প্ৰদেশত দলৰ হৈ নিৰ্বাচনী প্ৰচাৰ চলাইছিল। নিৰ্বাচনী সভাৰ পৰাই কেজৰিৱালে ইডিৰ চমনক অবৈধ আৰু ৰাজনৈতিক উদ্দেশ্যপ্ৰণোদিত আখ্যা দিছিল।

কেজৰিৱালে লগতে তেওঁক গোচৰটোৰ আওতাত গ্ৰেপ্তাৰ কৰাৰ পৰিকল্পনা কৰিছে বুলি সম্ভাৱনা ব্যক্ত কৰিছিল। ইফালে শাসকীয় বিজেপিকো এই বিষয়ত তীব্ৰ আক্ৰমণ কৰিছিল কেজৰিৱালে।

আপৰ উত্থানত ভীতিগ্ৰস্ত হৈয়ে বিজেপিয়ে এইদৰে ষড়যন্ত্ৰ কৰি আপ নেতাসকলক কাৰাগাৰত ভৰাইছে বুলি কেজৰিৱালে অভিযোগ কৰিছিল।

তেওঁ লগতে আগন্তুক লোকসভা নিৰ্বাচনৰ পূৰ্বে আপৰ প্ৰচাৰত বাধা সৃষ্টিৰ বাবে বিজেপিয়ে তেওঁক গ্ৰেপ্তাৰৰ পৰিকল্পনা কৰিছে বুলি দাবী কৰিছিল।

একেটা উদ্দেশ্যত বিজেপিয়ে আন আঞ্চলিক দলসমূহৰ নেতাসকলকো ষড়যন্ত্ৰমূলকভাৱে লক্ষ্য কৰি ল’ব বুলি দাবী কৰিছিল দিল্লীৰ মুখ্যমন্ত্ৰীগৰাকীয়ে।

উল্লেখ্য যে, সুৰা নীতিৰ কেলেংকাৰী গোচৰত সম্প্ৰতি কাৰাৰুদ্ধ হৈ আছে আপ নেতাদ্বয় দিল্লীৰ প্ৰাক্তন উপ-মুখ্যমন্ত্ৰী মনীষ চিছ’দিয়া আৰু ৰাজ্যসভাৰ সাংসদ সঞ্জয় সিং।

চলিত বৰ্ষত ফেব্ৰুৱাৰী মাহত চিছ’ডিয়া আৰু অক্টোবৰ মাহত সঞ্জয় সিঙক গ্ৰেপ্তাৰ কৰা হৈছিল।

[ad_2]


Spread the love

By Admin

Leave a Reply

Your email address will not be published. Required fields are marked *