Spread the love

[ad_1]

কৃষ্ণ সাগৰীয় বহৰৰ মুখ্য কাৰ্যালয়ত ৰাছিয়াৰ নৌ সেনাৰ সেনাধ্যক্ষকে ধৰি ৩৪ জন বিষয়া নিহত হৈছে। এই দাবী ইউক্ৰেইনৰ।

সোমবাৰে ইউক্ৰেইনৰ বিশেষ অভিযান বাহিনীয়ে জনোৱা মতে, যোৱা সপ্তাহত ক্ৰিমিয়া উপদ্বীপৰ চেভাষ্টোপলত ৰাছিয়াৰ কৃষ্ণ সাগৰীয় বহৰৰ মুখ্য কাৰ্যালয়ত ক্ষেপণাস্ত্ৰ আক্ৰমণ চলোৱা হৈছিল। এই আক্ৰমণত ফ্লীট কমাণ্ডাৰ এডমিৰেল ভিক্টৰ ছ’ক’লভ আৰু আন ৩৩জন বিষয়া নিহত হয়। অৱশ্যে ইউক্ৰেইনৰ এই দাবী সন্দৰ্ভত ৰাছিয়াই এতিয়াও কোনো মন্তব্য কৰা নাই।

উল্লেখ্য যে,  ইউক্ৰেইনৰ আক্ৰমণত ৰাছিয়াৰ এজন শীৰ্ষ নৌসেনাৰ বিষয়া এডমিৰেল ভিক্টৰ ছ’ক’ল’ভ নিহত হৈছে নেকি বুলি ৰয়টাৰে সোধাত ৰাছিয়াৰ প্ৰতিৰক্ষা মন্ত্ৰালয়ে এই তথ্য তৎক্ষণাত নিশ্চিত বা অস্বীকাৰ কৰা নাছিল।

২০১৪ চনত ৰাছিয়াই ইউক্ৰেইনৰ পৰা ক্ৰিমিয়া উপদ্বীপ দখল কৰিছিল। যোৱা বছৰ ইউক্ৰেইনত ৰাছিয়াৰ সামৰিক অভিযান আৰম্ভ হোৱাৰ পৰাই ইউক্ৰেইনৰ আক্ৰমণৰ বলি হৈ আহিছে এই অঞ্চলটো। শেহতীয়াকৈ ক্ৰিমিয়াত ইউক্ৰেইনৰ আক্ৰমণ বৃদ্ধি পাইছে।  ৰয়টাৰে প্ৰকাশ কৰা অনুসৰি ৰাছিয়াই নিযুক্তি দিয়া কৰ্তৃপক্ষই ক্ৰিমিয়াত ক্ৰীমিয়াত ক্ৰমাৎ বৃদ্ধি পোৱা আক্ৰমণ প্ৰতিহত কৰিবলৈ অতিৰিক্ত ব্যৱস্থা গ্ৰহণ কৰিছে। এই গুৰুত্বপূৰ্ণ অঞ্চলটোৰ পৰা ৰাছিয়াই ইউক্ৰেইনৰ বিৰুদ্ধে বাৰে বাৰে বিমান আক্ৰমণ চলাই আহিছে।

[ad_2]


Spread the love

By Admin

Leave a Reply

Your email address will not be published. Required fields are marked *

You missed