Spread the love

[ad_1]

চলি আছে ক্ৰিকেট বিশ্বকাপ। বিশ্বকাপৰ উন্মাদনাই বাৰুকৈয়ে স্পৰ্শ কৰেছে ক্ৰিকেট বিশ্বক। ইতিমধ্যে শেষ হোৱা লীগ পৰ্যায়ৰ অন্তত ক্ৰমে ভাৰত, দক্ষিণ আফ্ৰিকা, অষ্ট্ৰেলিয়া আৰু নিউজিলেণ্ডে বিশ্বকাপৰ ছেমিত স্থান নিশ্চিত কৰিছে।

বুধবাৰে বিশ্বকাপৰ প্ৰথমখন ছেমিত ঘৰুৱা দল ভাৰতৰ বিপক্ষে অৱতীৰ্ণ হ’ব নিউজিলেণ্ড। ঠিক সেই ১৯ বিশ্বকাপৰে যেন পুনৰাবৃত্তি! সেইবাৰ ভাৰতক ছেমিত পৰাস্ত কৰি কিৱি বাহিনী উপনীত হৈছিল ফাইনেলত।

পূৰ্ব বিশ্বকাপৰ সেই ধাৰাৰ পুনৰাবৃত্তি নিউজিলেণ্ডে এইবাৰ কৰিব পাৰিব নে, সেয়া কোৱা কঠিন। কিন্তু যোগ্যভাৱেই দলটোৱে নিশ্চিত কৰিছে ছেমিৰ স্থান। দলটোৰ এই সাফল্যত বিশেষ অৰিহণা আছে এগৰাকী যুৱ খেলুৱৈৰ।

নাম তেওঁৰ ৰচিন ৰবীন্দ্ৰ। ২৩ বৰ্ষীয় এই উদীয়মান তাৰকাগৰাকীয়ে চলিত বিশ্বকাপত উজ্জীৱিত প্ৰদৰ্শনেৰে ক্ৰিকেট বিশ্বৰ প্ৰশংসা লাভ কৰিছে। বাওঁহতীয়া যুৱ খেলুৱৈগৰাকীয়ে বহন কৰিছে নিউজিলেণ্ডৰ বেটিঙৰ এক সফল আৰম্ভণিৰ দায়িত্ব।

প্ৰথমখন মেচতে ১২৩ ৰাণৰ এক দৰ্শনীয় ইনিংছেৰে বিশ্বকাপ অভিষেক ঘটোৱা ৰবীন্দ্ৰই এইপৰ্যন্ত ৯ ইনিংছত ৫৬৫ ৰান সংগ্ৰহ কৰি চলিত বিশ্বকাপত তৃতীয় সৰ্বাধিক ৰাণ সংগ্ৰহকাৰী হিচাপে পৰিগণিত হৈছে।

এইপৰ্যন্ত ৰবীন্দ্ৰই ক্ৰিকেটৰ এই মেগা টুৰ্ণামেণ্টখনৰ ৯ টা ইনিংছত তিনিটা শতক আৰু আৰু দুটা অৰ্ধশতক অৰ্জন কৰিছে। তেওঁৰ বৰ্তমানৰ ৰাণৰ গড় ৭০.৬২। এনে চমকপ্ৰদ প্ৰদৰ্শনেৰে সকলোৰে দৃষ্টি আকৰ্ষণ কৰা ৰবীন্দ্ৰৰ ‘ৰচিন’ নামটিক লৈ হৈছিল ব্যাপক চৰ্চা।

চৰ্চা চলিছিল, দুই ভাৰতীয় কিংবদন্তি তাৰকা ৰাহুল দ্ৰাবিড় আৰু শচীন টেণ্ডুলকাৰৰ নামৰ সংমিশ্ৰণ ঘটাই এই যুৱ কিৱি তাৰকাগৰাকীৰ নামাকৰণ কৰা হৈছিল ‘ৰচিন’ ৰবীন্দ্ৰ নামেৰে। পিছে খেলুৱৈগৰাকীৰ পিতৃয়ে নামাকৰণৰ সময়ত এই কথা ভবা হোৱা নাছিল বুলি মন্তব্য কৰিছে।

ৰচিনৰ পিতৃ ৰবি কৃষ্ণমূৰ্তিয়ে স্পষ্ট কৰি দিছে যে ‘ৰচিন’ নামটো ইচ্ছাকৃতভাৱে দিয়া হোৱা নাছিল। কৃষ্ণমূৰ্তিৰ ভাষ্য মতে, তেওঁৰ পত্নী অৰ্থাৎ ৰচিনৰ মাতৃয়ে ৰচিনৰ জন্মৰ সময়ত এই নামটোৰ পৰামৰ্শ দিছিল।

নামটোৰ এই বিষয়ে আলোচনা কৰি বেছি সময় খৰচ কৰা হোৱা নাছিল বুলি মন্তব্য কৰে ৰচিনৰ পিতৃয়ে। তেওঁ লগতে কয় যে ৰচিন নামটো ভাল লগাৰ সমান্তৰালকৈ নামটো চুটি আৰু বানান কৰাটো সহজ আছিল। সেয়ে সেই নামটো দিয়াৰেই সিদ্ধান্ত হৈছিল।

নামটো ৰাহুল আৰু শচীনৰ নামৰ মিশ্ৰণ বুলি কিছু বছৰৰ পিছতহে তেওঁলোকে বুজিব পাৰিছিল বুলি উল্লেখ কৰি তেওঁ লগতে সন্তান ৰচিনক ক্ৰিকেটাৰ বা তেনেকুৱা কোনো ৰূপেৰে গঢ় দিয়াৰ উদ্দেশ্যেৰে তেওঁৰ নাম ৰখা হোৱা নাছিল বুলিও স্পষ্ট কৰি দিয়ে কৃষ্ণমূৰ্তিয়ে।

উল্লেখ্য যে, কিৱি দলক প্ৰতিনিধিত্ব কৰি ৰচিন ৰবীন্দ্ৰ ভাৰতীয় মূলৰ খেলুৱৈ। তেওঁৰ ককাক-আইতাক এতিয়াও বাংগালুৰু চহৰত থাকে। আনকি চলিত বিশ্বকাপৰ সময়ত ৰবীন্দ্ৰৰ তেওঁৰ ককাক-আইতাকৰ ঘৰলৈ গৈ সাক্ষাতো কৰিছিল।

[ad_2]


Spread the love

By Admin

Leave a Reply

Your email address will not be published. Required fields are marked *

You missed