Spread the love

[ad_1]

শেহতীয়াকৈ ভূটানৰ ৰজা জিগমি খেছাৰ নামগয়াল ৱাংচুক ভাৰত ভ্ৰমণলৈ আহিছে। সোমবাৰে দিল্লীত তেওঁ প্ৰধানমন্ত্ৰী নৰেন্দ্ৰ মোডীক সাক্ষাৎ কৰি বৈঠকত মিলিত হয়। সেই বৈঠকত সিদ্ধান্ত লোৱা হয় যে ভাৰত আৰু ভূটানক ৰে’লযোগে সংযোগ কৰা হ’ব। ইয়াৰ বাবে অতি সোনকালে জৰীপ আৰম্ভ কৰা হ’ব।

ভাৰতৰ সহায়তে ভূটানলৈ যাব এই ৰে’লপথ। অৱশ্যে ভাৰতে ভূটানক কেৱল ৰে’ল সেৱাৰ ক্ষেত্ৰতে নহয়, বাণিজ্য আৰু প্ৰযুক্তিৰ ক্ষেত্ৰতো সহায় কৰিবলৈ গৈ আছে। এই সকলোবোৰ ৰজা ৱাংচুক আৰু প্ৰধানমন্ত্ৰী মোডীৰ বৈঠকত আলোচনা হয়।

বাতৰি অনুসৰি, অসমৰ কোকৰাঝাৰ আৰু ভূটানৰ গেলেম্পুৰ মাজত ৰে’ল সংযোগ স্থাপন হব পাৰে। ৰজা ৱাংচুকে ইয়াৰ বাবে ঠাই বিচাৰি চূড়ান্ত জৰীপ কৰিবলৈ সন্মত হয়। প্ৰধানমন্ত্ৰী মোদীয়েও ভূটানক সহায় কৰাৰ আশ্বাস দিয়ে।

সীমা বিবাদক লৈ ভূটানে চীনৰ সৈতে আলোচনাত মিলিত হৈ থকাৰ সময়তে ৰে’ল সংযোগ সন্দৰ্ভত দুয়োগৰাকী ৰাষ্ট্ৰৰ মুৰব্বীৰ মাজত এই আলোচনা হৈছে। এই পৰিস্থিতিত কূটনৈতিক দৃষ্টিকোণৰ পৰা এই ৰে’ল পথৰ আলোচনা অতি গুৰুত্বপূৰ্ণ বুলি বিবেচিত হৈছে। তদুপৰি, বৈঠকত ৰজা ৱাংচুকে মোডীৰ সৈতে বিনিয়োগ, বিদ্যুৎ, স্বাস্থ্য, শিক্ষা, মহাকাশ প্ৰযুক্তিৰ বিষয়েও আলোচনা কৰে।

বাতৰি অনুসৰি, নিৰ্মাণ হ’বলগীয়া ৰে’লপথৰ জৰিয়তে পশ্চিম বংগৰ বানাৰহাটক ভূটানৰ ছামছেৰ সৈতে সংযোগ কৰা হ’ব। অসমৰ দৰঙা আৰু ভূটানৰ সানদ্ৰুপত মুকলি হ’ব অভিবাসন চেক পইণ্ট।

ইপিনে, ৰে’ল লাইন ভূটানলৈ নিয়াৰ পৰিকল্পনাৰ মাজতে ৰে’ল লাইন ছিকিমলৈ নিয়াৰ কাম পূৰ্ণগতিত চলি আছে। জানিব পৰা মতে অহা বছৰ সেৱক-ৰংপো ৰে’ল প্ৰকল্পৰ কাম সম্পূৰ্ণ হ’ব। কেৱল সেয়াই নহয়, তাৰ পিছত ছিকিম-চীন সীমান্তৰ নাথুলালৈ সম্প্ৰসাৰণ কৰা হ’ব ৰে’ল লাইন।

সেৱকৰ পৰা ৰংপোলৈ ৪৫ কিলোমিটাৰ দৈৰ্ঘ্যৰ এই ৰে’লপথত পাঁচটা ষ্টেচন থাকিব। তদুপৰি, এই পথত  থাকিব ১৪টা সুৰংগ আৰু ২২খন দলং। এই ৰে’লপথৰ ৩৮ কিলোমিটাৰ পথ সুৰংগৰ মাজেৰে পাৰ হ’ব। আনকি এটা ষ্টেচনো আণ্ডাৰগ্ৰাউণ্ড থাকিব। জানিব পৰা মতে, এই পথৰ পাঁচটা ষ্টেচনৰ ভিতৰত তীস্তাবাজাৰ ষ্টেচন মেট্ৰ’ৰ দৰে মাটিৰ তলত হ’ব।

সেৱকৰ পৰা ৰংপোলৈ যোৱা ৰে’ল পথত যাত্ৰী সেৱা আৰম্ভ হোৱাৰ পিছত দ্বিতীয় পৰ্যায়ৰ লাইন সম্প্ৰসাৰণৰ কাম আৰম্ভ হ’ব। সেই সময়ত এই লাইন পোনে পোনে চীন সীমান্তলৈ যাব বুলি জনা যায়। প্ৰতিকূল পৰিবেশতো এই ৰে’লপথটো গোটেই বছৰটো খোলা ৰাখিব পৰা যাব বুলি ৰে’ল কৰ্তৃপক্ষই জানিবলৈ দিয়ে। 

[ad_2]


Spread the love

By Admin

Leave a Reply

Your email address will not be published. Required fields are marked *